Diabierna mainta a drenta informe di un accidente cu hende herida na crusada banda di e ex-cas di gobernador, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e dama chauffeur di un Toyota Yaris biniendo for di pabao riba L.G. Smith blvd. pa un of otro motibo diripiente lo a bira na man robes sin a duna e Nissan Sentra preferencia y nan a dal otro. E dama chauffeur di e Yaris tabata den shock y e chauffeur di e otro auto tambe ta herida. E impacto tabata basta fuerte cu hopi daño. Na yegada di e ambulans a atende primeramente e dama den shock y na yegada di e otro ambulans nan a atende e victima na e sitio mes.