Diasabra anochi a drenta informe di un accidente cu hende herida dilanti Casa Vieja den Caya G.F. “Betico” Croes, mesora a dirigi tanto polis como ambulans na e sitio. Na yegada di e patruya a bin compronde cu aki ta trata un accidente unda cu un auto lo a dal un joven peaton y a sigi core bay. Segun testigonan ta trata di un Nissan Platina A63555 cu a tuma direccion na Dakota. Na yegada di e ambulans nan a atende e victima y a transporte pa hospital. Mientras otro patruyanan a bay na e adres di e auto.