Fundacion Chico Harms conhuntamente cu Centro di Bario Brazil ta organisa un tremendo show di Dande e aña aki atrobe. E evento aki ta tuma lugar dia 27 di december 2023 cuminsando pa 5:45pm cu un ceremonia di homenahe na baluartenan di e bario di Brazil.
E aña aki e show di Dande tin un concepto diferente y unico. Nos tin 18 grupo di Dande confirma y durante e show lo tin un obra presenta pa Shipreke y Fundacion Procultura Arubano, caminda nan lo demonstra con aña nobo tawata wordo celebra antes na Aruba, acompaña pa Vicente Ras y su grupo Sodo y Cuero.
Durante e evento aki bo tin chens pa saboria diferente plato crioyo manera; cabrito stoba, carni stoba, pisca tempera, diferente sopi y hopi mas.
Bin cu famia completo dia 27 di december awor pa yuda engradece nos cultura. Entrada ta solamente 2,= florin.
E evento aki ta posibel danki na nos boluntarionan, nos sponsornan; Ban Serio, Setar, Unoca, DCA y tur media cu ta kere den nos.