ORANJESTAD: Diabierna ultimo, Minister di Enseñansa y Deporte Endy Croes a bishita scol basico St. Paulus School na San Nicolas, unda cu nan tabata celebrado nan Christmas Village. E meta principal di e Christmas Village aki tabata parecauda fondo pa inverti den innovacion di scol. Desde algun aña atras, St. Paulus School a incorpora Chromebook den nan plan di estudio den algun klas y nan vision ta pa sigui inverti den mas Chromebook pa tur klas. Durante e Christmas Village e alumnonan di e scol a demostra nan talento den musica y baile. Ademas di esaki, tabatin bendemento di cuminda, “art & craft” y diferente entretenimento. Minister Endy Croes ta felicita cabesante Sr. Randy Arends y henter staf di St. Paulus School cu ta desplegando un excelente trabou St. Paulus.Alabes ta felicita tur cu a contribui pa haci e Christmas Village posibel. Finalmente, e mandatario di Enseñansa ta desea henter e team di St. Paulus School feliz dianan di fiesta.