Oficina Central di Estadistica ta buscando encuestadorfull-time y part-time pa e encuesta di Entrada & Gastonan2023-2024!

Diaranzon 15 di november 2023, Oficina Central di Estadistica (CBS) a cuminsa cu e encuesta di Entrada & Gastonan 2023-2024. E encuesta aki tin un duracion di un aña. Durante e periodo di encuesta, CBS tin como meta pa entrevista un total di 2000 hogar.

E encuesta di Entrada y Gastonan 2023-2024 ta encera 2 parti:

1. Hogarnan participante lo wordo puntra pa contesta algunpreguntanan tocante gastonan cu e hogar a haci durante e 12 lunanan prome cu e encuesta. E cuestionario aki ta digital y lo wordo yena pa e encuestador(a) pa medio di un tablet.

2. Hogarnan participante lo wordo pidi pa yena un Buki di Gastonan Diario. Den e buki aki, tur gasto di tur miembro di e hogar mester wordo yena pa un periodo di 2 siman. E encuestador(a) lo duna instruccion na e hogarnan con pa yena e buki y tambe lo asisti den e yenamento di esaki.

Pa e encuesta aki ta uno exitoso, CBS ta buscando personanancu lo desea di fungi como encuestador sea full-time of part-time pa un periodo di januari te cu november 2024. Cada luna encuestadornan lo haya un area nobo pa encuesta pa un duracion di entre 2 pa 3 siman. Un encuestador part-time lo haya un area di encuesta mas chikito, pero tambe mester tadisponibel tur dia pa e duracion di cada periodo di e encuesta.

Pa fungi como un encuestador(a), mester:

• por traha cu un Tablet

• por lesa, scirbi y papia Papiamento, Ingles, Hulandes y Spaño

• tin por lo menos 21 aña di edad

• tin por lo menos un diploma di MAVO

• ta un residente di Aruba y tin un persoonsnummer

• tin un rijbewijs valido y un medio di transporte propio

• ta compromete su mes pa asisti na 2 training obligatoriona comienso di januari 2024

• ta disponibel full-time y/of part-time pa e encuesta

• ta disponibel pa traha den siman y den weekend

• preferibel tin experiencia hasiendo encuesta

• No tin antecedente penal

Tur persona cu ta cumpli cu e rekisitonan menciona por solicita pa ta un encuestador(a).

Pa solicita of pa mas informacion por jama libremente natelefon: 524-7433/524-7417 of por manda un e-mail naykelly@cbs.aw Lo haya un formulario digital pa yena via e-mail.