Diadomingo madruga a drenta informe di cu 2 auto a pasa duro y un tabata los tiro riba e otro riba E.J. “Watty” Vos blvd. bay zuid, mesora a dirigi un patruya na e sitio. Na yegada di e patruya a bin compronde cu un bisiña a tende e sonidonan di tironan tras di otro y ora a bay mira e video di e camara di seguridad a bin nota cu un auto tabata tras di e otro y tabata los tironan cu un arma automatico. Mesora a informa patruyanan riba caya pa bay na e sitio. Na e sitio un patruya a bin encontra cu hulsnan di un arma automatico di un caliber halto y a cuminsa cu un investigacion riguroso. E investigadornan tecnico y forensyco a presenta y a documenta e locual a ser haya y a confisca esaki. Investigacion lo sigi pa asina captura e delincientenan arma aki.