Diahuebs madruga a drenta informe di un accidente cu hende herida dilanti S Chow na Savaneta. Mesora a dirigi tanto polis como ambulans na e sitio. Na yegada di e patruya a bin compronde cu chauffeur di un Toyota Yaris lo no a regula velocidad ni mantene distancia y a dal tras di un Suzuki Swift. Na yegada di e ambulans nan a atende cu e chauffeur di e Toyota Yaris cu lo a dal su cabez den e windshield. Polis a hasi alco-test y a resulta cu e chauffeur lo tabata bao influencia. Polis a detene e chauffeur y a transporte pa Warda di Polis.