Diahuebs anochi a drenta informe di cu tin un auto Kia Rio blauw coriendo masha malo mes riba Sasakiweg bayendo Oranjestad, mesora a dirigi patruyanan pa para e auto aki prome cu e causa un accidente. Un otro informe a indica cu e auto aki a drenta E.J.”Watty” Vos blvd. Na altura di e rotonde Madiki polis a logra para e auto. Eynan polis a ripara cu ta un muher tabata stuur e auto y ta bao influencia. Mesora polis a detene e chauffeur aki y a hib’e warda di polis.