Diabierna atardi a drenta informe di cu banda di R.C.A. lo tin un homber arma cu un cuchiu maltratando un muher cu tin un baby carga, mesora a dirigi patruyanan na e sitio. Un patruya a logra topa cu e dama herida y a bin compronde cu e homber a huy bay den direccion di Laurens Costersstraat. Polis a nota cu e dama tin algun corta na su mannan y a pidi pa ambulans, mientras un otro patruya a bay tras di e sospechoso unda a logra detene e homber y a bay warda di polis cun’e pa maltrato cu arma. Na yegada di e ambulans e dama a nenga di haya ayudo y nenga di bay hospital. E heridanan afortunadamente no ta di gravedad. Polis a avisa e dama cu e por pasa na oficina di recherche pa entrega keho.