Diasabra atardi a drenta informe di molester di huma na Santa Cruz, mesora a dirigi un patruya na e sitio. Na yegada di e patruya a bin compronde cu aki ta trata di un molester di huma ocasiona pa un dama latino cu tabata cushinando un sancocho cual ta un tradicion pa haci esaki pafor di cas den cura unda e palonan kimando ta produci e candela pa cushina. Como cu aki ta trata di un candela chikito y ta controlable polis a laga e dama sigi cushina su sancocho.