Diadomingo madruga a drenta informe di un accidente cu hende herida na Schotlandstraat banda di Caribbean Overseas, mesora a dirigi tanto polis como ambulans na e sitio. Na yegada di e patruya a bin compronde cu e chauffeur biniendo cu velocidad halto a perde control na e birada baha caminda manda piedra grandi te otro banda di caminda y finalmente bay pega bao di un container riba trailer. Milagrosamente e chauffeur a haya unicamente un herida na su cabes. Na yegada di e ambulans cu a presenta mesora a atende e victima.