Diadomingo mainta a drenta informe di un accidente cu hende herida riba Wilhelminastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur biniendo nort cu velocidad halto net na e birada a slip baha caminda subi acera raspa den banda di un palo di lus, ranca un palo di sosten, sigi bay dal un borchi trafico y finalmente dal basta fuerte riba un otro palo di lus. Debi na tur e impactonan aki e chauffeur a resulta herida. Na yehada di e ambulans nan a atende e victima y a transporte pa hospital.