Dialuna atardi a drenta informe di cu un chauffeur di edad lo a haya dolor tras di stuur y a subi acera y a kap taira na Santa Cruz, mesora a dirigi tanto polis como ambulans na e sitio. Na yegada di e patruya e chauffeur a declara cu ela cuminsa sinti dolor y a dicidi pa baha for di caminda pa no stroba e trafico. Esaki a causa cu ela kap un taira. Na yegada di e ambulans nan a atende e chauffeur y a bis’e cu e mester bay descansa su curpa na cas. Polis a yama un familiar pa avisa nan cu e chauffeur mester bay cas y nan mester bin drecha e taira. Familiarnan a presenta y a atende cu e chauffeur.