Diaranson mainta a drenta informe di un accidente cu hende herida na e rotonde Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un scooter cu declaracionnan contradictorio unda e automobilista ta bini di pazuid y e scooter tambe pero segun e motociclista e ta bini di pabao. debi na e impacto e motociclista a resulta herida. Na yegada di e ambulans nan a atende e victima cu tabata keha di dolor na su brasa. Pero ambulans no mester a transporte pa hospital. Polis di trafico tin e investigacion y e camaranan di seguridad a keda di revisa e acto aki.