Diabierna madruga a drenta informe di un accidente banda di Fantastic Gardens na Bushiri, mesora a dirigi patruya na e sitio. Na yegada di e patruya a bin compronde cu e chauffeur lo a baha caminda na e birada ela dal un palo di lus y un baki sushi. E chauffeur tabata papia fresco y bruto cu polis y no kier a haci test y a bisa cu e ta traha na K.I.A. Despues di cu polis a logra convence ela haci e test unda ela surpasa e limite permiti. Polis a detene y e chauffeur no a gusta y a papia fresco cu polis. Na yegada di e vehiculo di transporte pa detenidonan nan a bay cun’e na warda di polis.