Diasabra atardi a drenta informe di un accidente cu hende herida na Boegoeroei, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Toyota Yaris un homber di 88 aña a bay subi caminda pero un wiel a cay den un buraco y e otro wiel a draai den bashi riba e tera riba e acera y a keda pega mientras e Toyota Corolla a dal e y a saca e Yaris di su pega. Debi na e impacto ambos chauffeur a resulta herida. Na yegada di e ambulans a atende ambos chauffeur pero esun di 88 aña si mester a bay hospital pa mas tratamento.