Diasabra anochi a drenta informe di un accidente cu hende herida na Macuarima. Mesora a dirigi un patruya na e sitio. Na yegada di e patruya a bin compronde cu chauffeur di un Toyota Corolla stationwagen blanco lo a hala otro banda di caminda di dal den un brommer di direccion contrario cu a purba di evita esaki. E motorciclista a resulta herida. Na yegada di e ambulans nan a atende e victima na sitio mes. Polis a hasi alco-test riba e chauffeur di e Stationwagen. Mesora polis a detene y vehiculo di transporte a hiba e detenido pa Warda di Polis.