Diamars mainta a drenta informe di un accidente cu hende herida na Piedra Plat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un motociclista bayendo pabao no a ripara cu e auto su dilanti tabata para na e crusada pa bay zuid y door cu e no a mantene distancia ni regula su velocidad a bay dal tras di e auto. Debi na e impacto y caida e motociclista a resulta herida. Na yegada di e ambulans nan a atende y transporte pa hospital.