Diaranson anochi a drenta informe di cu tin un Chevrolet Trax di huur coriendo masha malo mes riba e caminda di Ponton bayendo nort mesora a cuminsa dirigi patruyanan pa e area ni un rato despues e persona informando polis ta informa cu e auto a caba di accidenta na e rotonde Noord banda di e post di e patruyanan motorisa. Na e momentonan ey e polisnan di e brigada motorisa cu tabata bayendo na e area a mira con e accidente a sosode. Nan a mira e auto subi e rotonde casi subi e isleta despues a bira na man drechi dal den banda di un Toyota 4-runner cu tabata bini di pariba para na e rotonde pa bay subi. Afortunadamente ningun hende a resulta herida. Polis a nota cu e chauffeur ta un dama di edad hulandes europeo di bishita na Aruba pero e dama tabata pata pata y polis a detene.