Diabierna mainta a drenta informe di un accidente cu hende herida banda di e veld di Kudawecha, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente di cadena entre 3 auto unda cu e chauffeur di un Chevrolet Equinox no a regula su velocidad ni a mantene distancia a bay dal fuertemente tras di un Honda Fit y a manda esaki bay dal tras di un Nissan March. Na yegada di e ambulans nan a atende tanto e chauffeur di e Chevrolet y tambe un otro persona den e March mas dilanti. Ambos a ser atendi y transporta cu ambulans pa hospital.