Diamars mainta a drenta informe di un accidente dilanti santana na Caya Ernesto O. Petronia. Mesora a dirigi un patruya na e sitio. Na yegada di e patruya a bin compronde cu chauffeur di un Chevrolet Trax lo no a regula velocidad ni mantene distancia y a dal tras di Toyota Yaris. E impacto tabata fuerte y a causa basta daño material na Toyota Yaris. Y e Chevrolet a haya daño na e nummerplaat. Afortunadamente ningun persona no a resulta herida.
