Diaranson anochi a drenta informe di un accidente cu hende herida y pega den auto na Jaburibari. Mesora a dirigi polis, ambulans y brandweer na e sitio. Na yegada di e patruya bin compronde cu chauffeur di un SUV lo a dal den un baranca banda di caminda y a kentel. Na yegada di e brandweer y ambulans a haya dos persona herida y pega den e auto cu a kentel. Brandweer a corta e faha di seguridad y asina ambulans a logra atende ambos victima. A bolter e auto bek riba su cuater wielnan. Polis a tuma datos di e accidente aki.