Chauffeur burachi cu auto sin seguro ta dal un auto di mas di 100 mil Florin y a core bay na pia for di e sitio pero security a gara nan y trese nan bek!

Dialuna madruga a drenta informe di un accidente dilanti di un club nocturno na Palm Beach, mesora a dirigi un patruya na e sitio. Na yegada di e patruya a bin compronde cu e chauffeur di un Honda Inspire a dal riba un Lexus cu tabata staciona, una bes cu e chauffeur a dal e Lexus mesora tanto e chauffeur como e ocupante a core sali bay for di e sitio. Miembronan di seguridad di e nightclub cu a wak tur cos a core nan tras y a capturanan y a pone nan regresa na e sitio di accidente. Na yegada di e patruya e presunto chauffeur (maske testigonan a bisa cu ta e otro tabata stuur) a bisa cu ta e tabata na stuur. Polis a pone supla y esaki a sali malo p’e. Polis mesora a detene y a bay cun’e na warda di polis.

Share:

Leave a Reply

Your email address will not be published.