Diadomingo mainta a drenta informe di un accidente na e crusada Indianenweg cu Dominicanessenstraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente pa falta di preferencia entre un Nissan Tiida y un Hyundai H1. Afortunadamente ningun hende a resulta herida. Ora e specialista di trafico a presenta a detene e chauffeur cu tabata burachi!
