ORANJESTAD – UNESCO Aruba ta anuncia su lista general di e dianan Internacional di Februari.
Cada dia Internacional ta brinda organisacionnan y/of personanan cu ta traha den e area ey e oportunidad pa organisa actividadnan relaciona cu e tema di e dia. Di e manera ey un Dia Internacional ta bira un trampolin pa conscientisa pueblo door di organisa eventonan pa comparti informacion, activa interes y crea compromiso.
No tin limite na ken por ta envolvi: Agencianan di Nacionnan Uni, sector publico y priva, gobiernonan, sociedad civil, scolnan, universidadnan y publico en general. Tur por participa na un dia asina of organisa un evento pa crea consciencia rond di e topico. Por promove tambe cooperacion entre organisacionnan, demostrando formanan di traha cu ta sostenibel y innovativo.
Aki ta e dianan pa luna di februari hunto cu nan website unda por haya mas informacion:
International Day of Women and Girls in Science 11 Februari
https://www.unesco.org/en/days/women-girls-science
Dia Internacional di Muhe y Mucha Muhe den ciencia, riba 11 di februari, ta implementa pa UNESCO y UN-Muhernan, den colaborashon cu institucion nan y partner di sociedad civil cu tin como meta pa stimula muhernan y mucha muhe den ciencia. E dia aki ta un oportunidad pa promove acceso y participacion pleno y igual pa muhernan y mucha muhe den ciencia. Igualdad di sexo ta un prioridad global pa UNESCO, y e sosten di mucha muhernan, nan educacion y nan habilidad completo pa haci nan ideanan realidad ta palancanan pa desaroyo y pa paz.
World Radio Day 13 Februari
https://www.unesco.org/en/days/world-radio
Den un era marca pa e rapidez imprecionante di innovacion tecnologico y e rapidez di un plataforma nobo deslumbrante tras di otro, Radio ta cuminsa su di dos siglo di servicio como un di e formanan di medionan mas confiabel y ampliamente uza rond mundo.
Proclama na 2011 pa e Miembro di UNESCO y adopta pa Asamblea General di Nacionan Uni na 2012 como un Dia Internacional di UN, 13 di februari a bira Dia Mundial di Radio (DMR). Radio, como un tecnologia, ciencia, medionan di comunicacion y sistema di programacion di elementonan audio tin raiz te na siglo 1800 pues por ta sigur cu e medio aki ta den su di dos siglo.
International Mother Language Day 21 Februari
https://www.unesco.org/en/days/mother-language
Dia Internacional di Lenga Materno e dia aki ta celebra diversidad linguistico y promove multilingualismo. E ta enfatisa e importancia di preserva y promove lenga nan materno pa trece comprension cultural y harmonia global.
