Diahuebs mainta a drenta informe di un caso di maltrato y cu hende herida na Caya Seour Rosalie, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un problema di bisiña cu a bay for di man ora un a bin ataca e otro cu arma y e otro a dal esun. Polis a nota cu un ta herida y na yegada di e ambulans nan a atende pero mester a hib’e hospital pa un control mas extenso. Mientras e otro a ser deteni pa polis despues di cu ela maltrata su bisiña cu un tubo. Polis a confisca e tubo y a detene e agresor. UPDATE: Den oranan di atardi polis mester a bolbe bay intermedia entre e 2 bisiñanan aki. Tur e problema a start pa via di un mata di mango cu ta colga den e otro su cura y e doño di e mata a drenta cura di e otro pa coy un mango hecho.