Diabierna atardi a drenta informe di cu tin un homber ta piki calco na Malmok, mesora a dirigi un patruya na e sitio. Na yegada di e patruya a bin haya un persona den un pick-up cu tabata piki calco na canto di lama abao y tabata pone nan den un hemchi. Polis a bisa e homber cu esakinan ta prohibi pa piki como cu nan ta den extincion y a pone e homber pa hiba esakinan bek den lama.
