Diamars mainta a drenta informe di cu tin un cas na candela na Weg Sero Blanco, mesora a dirigi bomberonan na e sitio. Na yegada di e prome unidad a bin constata cu aki ta ta trata di un cas abao di bloki cement y ariba(di 2 piso di palo) y e parti aki lo a pega na candela despues di cu palet tabata ser kima na e parti patras di e cas y e chispanan di candela a pega e palonan na candela y e piso ariba cual ta full di palo a kima por completo mientras e parti abao a sufri daño di awa. Polis tambe a presenta y a traha un rapport di e sucedido.