Diaranson anochi a sosode un accidente cu hende herida na e crusada di Shaba pa bay Bubali entre un truck y un auto, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un truck unda e dama chauffeur di e Kia Rio biniendo for di zuid a bay bira na man robes pa bay Bubali y a dal frontal riba e truck cu a mira cu e auto ta bin y a purba kita p’e. Hunto cu e dama tabata tin un baby di 3 aña cu tambe a resulta herida den e accidente aki. Na yegada di e ambulans nan a atende e victimanan y a transporta nan pa hospital.