Diahuebs mainta a drenta informe di un incidente na Catiri. Aki ta trata di un incidente unda un truck cu tabata lastra trailer cu un katrol riba di dje lo a bai hala pa un auto y e caminda smal a hasi cu e trailer a bai dal den un barranca banda di caminda. Esaki a pone cu e trailer cu katrol kita di e truck y bolter. E katrol cu waya tabata destina pa bai Kudawecha pa asina ELMAR por instala. Afortunadamente ningun persona a resulta herida. E auto cu tabata pasando a logra net pasa y no a ricibi ningun daño.