Diasabra anochi a drenta informe di un problema entre bisiña na Tamarijn Paradera, mesora a dirigi un patruya na e sitio. Un rato despues a drenta otro informe di cu tin agresion a tuma lugar y tin un dama herida. Mesora a manda mas patruya y tambe ambulans na e sitio. Na yegada di e patruya a bin compronde cu e homber cu a yega cas bao influencia y a bay reclama su bisiña asunto di cu e lo tabata hortando su coriente pero e lo a bay cu un “hark” y e otro bisiña lo a coy un piedra pa manda riba e homber cu supuestamente lo tin e “hark” pero e pareha di e homber a bay hisa su man pa e otro bisiña no manda e piedra grandi pero esaki a bay caba den direccion di e dama su man y a herida e dama kibrando parti di su man y tabata sangrando. Na yegada di e ambulans nan a atende e dama y a transporte pa hospital, mientras polis a detene ambos bisiña un pa bao influencia y e otro pa agresion cu lesion.