Diadomingo madruga a drenta informe di un accidente cu hende herida na Pos Abao, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente hit & run unda un auto a pasa dal un Toyota Yaris bir’e 90 grado lagando 2 hende levemente herida. Na yegada di e ambulans nan a atende e 2 victimanan pero nan a nenga di bay hospital. Polis investigando a bin logra haya nummerplaat di e presunto auto cu a causa e accidente aki. Pronto polis lo bishit’e na su cas of trabao pa responde pa su responsabilidad y incumplimento cu regla di trafico.