Diaranson anochi a drenta informe di cu un turista a sinti falta di su cartera na un bar na Palm Beach, mesora a dirigi un patruya na e sitio. Na yegada di e patruya polis a bin compronde cu un turista masculino lo a topa 2 muher cu ta haci e profesion mas bieuw di mundo y a bay cu nan na un apartamento di placer na Moko na nan regreso na e bar e homber a sinti falta di su cartera. Pero ora e homber a bisa di bay yama polis e 2 muhernan a bay for di e sitio. E turista ta kere cu e 2 muhernan a bay cu su cartera, polis a bisa e homber pa pasa na oficina di recherche pa entrega keho.