Diahuebs tra’i merdia un grupo di persona di A.P.A. y A.T.A. y ministerio di turismo a bay na e ex-edificio di D.O.W. pa asina observa y cuminsa cu renovacion pa converti e edificio den un centro turistico comercial pa nos bishitantenan crucero y turistanan en general. Pero eyden a bin haya cantidad di adictonan cu nan mester a pidi refuerso policial pa asina obliga nan pa desaloha e lugar pa asina e trabao di limpiesa y re-construccion por tuma lugar.