Diadomingo anochi a drenta informe di cu tin un auto riba caminda bayendo pa Santa Cruz coriendo manera loco, mesora a avisa e patruyanan riba caya. Na altura di e pompstation a topa cu e vehiculo aki esta e Hyundai Accent shinishi A19143 y mesora a bay su tras y dunando e señal pa e para pero ela ignora esaki. Polis a inicia cu un persecucion den cual por a mira claramente e peliger den e forma di cu e chauffeur ta coriendo ela dal borchi trafico y hasta palo di lus y e auto tabata hopi golpia. Na e crusada di mondi fierno e bentana di chauffeur mes a kibra y esaki a pone cu e chauffeur no por a sigi core y a para. Eynan polis a haya e oportunidad pa detene y confisca e auto.