Diaranson mainta a drenta informe di un accidente cu hende herida na Caya Ernesto Petronia. Mesora dirigi tanto polis como ambulans na e sitio. Na yegada di e patruya a bin compronde cu chauffeur di un auto cora lo a bira malo tras di stuur, baha caminda, dal un auto y bay dal den cura di cas. Na yegada di e ambulans nan a atende e victima y a transport’e pa hospital. Polis a sera caminda pa desvia trafico y a tuma datos di e accidente aki.
