Diabierna anochi a drenta informe di cu tin un palapa na candela riba e beach dilanti La Cabana, mesora a dirigi tanto polis como bombero na e sitio. Na yegada di e patruya algun turista a remarca cu ta algun mucha baldadi a comete e hecho aki y nan mes tabata purba di paga esaki. Na yegada di bombero mesora nan a combati y paga e candela completamente. Ta varios biaha caba cu e muchanan baldadi aki ta pega esakinan na candela. Mayornan papia cu boso yiunan bisa nan bon cla cu Aruba ta depende di turismo y cu actonan asina ta core cu nos turistanan. Ban cuida nos pilar economica cu den e temponan aki ta floreciendo acceleradamente!