Diasabra anochi ora polisnan tabata atendiendo e accidente na Driemasterstraat a drenta informe di cu 2 hoben ta agrediendo 2 persona di edad na Madiki, mesora a mobilisa patruyanan na e sitio. Na yegada di e patruya a bin compronde cu aki ta trata di 2 hobencito cu tabata pushando e brommer y nan a busca problema cu e chauffeur y a cuminsa cu agredie y a tira piedra riba e auto di e personanan. E hobennan aki a haya instruccion pa pusha y warda e brommer pa e motociclista. E muchanan tabata pushando ora cu nan a ser mira pa e chauffeur y nan a lanta contra dje. A bin resulta cu esey ta e brommer cu a ser usa pa dal e dama den Driemasterstraat, mesora polis a confisca e brommer pa mas investigacion.