Diadomingo anochi durante patruya polisnan a nota un motociclista coriendo masha malo mes na altura di rotonde Tanki Leendert riba E.J.”Watty” Vos blvd, mesora nan a bay pa par’e cual ordo ela ignora y a trapa bay. ela drenta Cadushi Supermarket bay pabao un rato despues e motociclista a perde control y a bay accidenta riba un auto y a dal abao cu basta sla na su curpa y cara. Polis mesora a pidi pa ambulans na e sitio y tambe e investigadornan technico y forensyco di polis. Na yegada di e ambulans nan a atende e victima y a transporte cu urgencia pa hospital. Durante e investigacion a bin descubri un arma di candela, polis a confisca e arma di candela aki pa mas investigacion y un polis a bay cu e motociclista den ambulans pasobra a detene e motociclista.