Diasabra anochi a drenta informe di cu un turista lo a hoga na Palm Beach, mesora a dirigi tanto polis como ambulans na e sitio. Na yegada di e patruya nan a compronde cu un grupo di 9 turista a bay riba un trip cu catamaran pero eyriba nan a cosumi alcohol den exceso y na nan regreso un di nan a drenta awa y a guli hopi awa te cu nan mester a sak’e for di lama y dun’e CPR na yegada di e ambulans nan a logra rebiba e turista y prepar’e pa bay cun’e na hospital cu urgencia. Na e mesun momento un otro turista di e mesun grupo ey a bira malo y mester a haya asistencia medico y e tambe mester a bay hospital cu ambulans.