EAGLE BEACH, Aruba – Mar. 11, 2024 –  Bucuti & Tara Beach Resort, Aruba  lo bay paga su lus pa conmemora  “Earth Hour 2024”. E resort lo bin hunto cu un comunidad mundial riba 23 di maart for di 8.30pm pa 9.30pm. E action aki tey pa brinda atencion na e cambio cu lo mester wordo haci pa combati cambio climatico. Huespednan di Bucuti & Tara lo haya e opurtunidad pa participa den “E ora mas grandi pa mundo”, cu differente actividad cu e resort a prepara.

 

Participacion anticipa mas grandi den historia di e evento

E prome Earth Hour a cuminsa na 2007 y awo ta conoci como e iniciativa cu ta haci tur participante paga tur lus. E evento ta symbolisa un apoyo pa e bienestar di nos planeta. Cu participante di mas di 190 paisnan, e organisacion ta manda un mensahe rond di mundo cu cada ora y minuut ta conta. Cada aña mas hende ta participa, asina mas hende ta realisa e efecto cu e evento aki tin riba e salud di nos planeta. E organisacion di Earth Hour ta informa cu esaki ta e prome generacion cu tin e solucion y posibilidad pa haci e cambio necesario pa mehora nos medio ambiente. E tambe ta e dilaster generacion cu mester pone action, prome cu no por mas.

 

E resort ta brinda su huespednan un oportunidad pa participa 

• Stargazing Experience. Huespednan ta wordo invita pa sinta riba nos bunita Eagle Beach dilanti di nos shelo yena cu strea. Cu un team di experto di Space and Nature Aruba Foundation, cual ta reconoci door di UNESCO y e International Astromical Union. E organisacion lo brinda ayudo pa asina tur hende presente por haya un experencia pa wak nos bunita strea cu un telescoop.

(The evening’s forecast images are located in the Dropbox folder below in the Images section)

 

 

• Un cena consiente. Chef Alexander Powell hunto cu su team di experto ta creando un experiencia culinario cu lo honra nos planeta. Tur plato lo wordo prepara usando menos energia posibel y cero gas. E menu lo consisti di ingredientenan fresco y tur producto cu por wordo produci localmente. E evento aki lo tuma lugar na e ocean-front restaurant di Bucuti & Tara Beach Resort: Elements Restaurant.
• Meditation pa crea conexion. E session di meditation lo wordo dirigi door di e instructor conoci como, Shanti. Su filosofia, “We are enlightened beings of nature”. Esaki lo ta un experiencia special pa e huespuednan di meditation cu lo enfoka riba crea un conexion cu nos medio ambiente.
• Pelicula bou strea. Huespednan por relaha riba e lounge chairs di e resort na su private outdoor movie venue. Lo por mira un pelicula, pa inspira & siña over di nos planeta. Esaki lo wordo brinda solamente usando energia solar.

Bucuti & Tara Beach Resort ta invita tur compañia of persona pa participa den e evento aki, pa representa Aruba den un iniciativa pa mehora nos mundo. Doño y CEO di Bucuti & Tara ta comparti, “E no ta costa nada pa participa den un evento cu por yuda nos conscientisa nos mes over di un topico cu juist lo costa nos tur cos.”

Bishita nos website bucuti.com  pa siña mas.