Diamars anochi laat a drenta informe di un security di un hotel na Eagle Beach pidiendo presencia policial cu urgencia pa un problema di pareha bayendo for di man na e lobby di e hotel. Mesora a dirigi un patruya na e sitio. Na yegada di e patruya a bin compronde cu aki ta trata di un problema di pareha cu a escala unda e muhe a saca un cuchiu y a staka e homber na su brasa y ademas a kibra e paspoort di e homber. Polis a tuma nota cu e muhe ta hopi bao influencia di alcohol y a detene.