Diaranson mainta a drenta informe di un accidente cu hende cu a bira malo na Ponton, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chauffeur di e Nissan Cube a bira malo tras di stuur y a bay dal den banda di un Chevrolet bayendo nort. Na yegada di e ambulans nan a atende e dama cu a bira malo mientras polis a tuma datos di e accidente aki.
