Diaranson atardi a drenta informe di un accidente cu hende herida panort di Palm Beach Plaza, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un turista chauffeur a sortia pa drenta e parkinglot na man robes pero a mira un espacio habri na man drechi y a bira sin wak e ciclista cu tabata bini y nan a dal den otro. E ciclista a dal abao y a dal su cabes fuertemente y a dal ambos rudia. Ambulans a presenta caba y a atende e ciclista na e sitio mes.