Diabierna atardi a drenta informe di un accidente cu hende herida na Kamay, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente na e crusada pazuid di NG supermarket, unda e dama chauffeur di Ford Escape para na crusada no a wak e auto patras di esun cu ta bin di nort y a bira na man drechi y ora ela sali esaki a bin dal riba dje. Debi na e impacto e Escape a bay dal na e cura di e cas pariba di e crusada. Debi na e dobbel impacto e dama chauffeur a resulta herida. Na yegada di e ambulans nan a atende e dama y transporte pa hospital.