Diasabra merdia a drenta informe di un accidente cu 3 hende herida riba e Green Corridor na Barcadera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Toyota Yaris blanco A 23489 cu tabata bayendo pabao cu velocidad halto y a perde control subi e median bay otro banda di caminda y bay cay den e mondi pazuid di e caminda. Den e impacto aki 3 persona a resulta herida. Na yegada di e 3 ambulansnan nan a atende 2 victima seriamente herida y 1 menos seriamente herida y a hiba tur 3 pa hospital. Polis a sera e caminda pa asina investiga con e accidente aki a sosode