Dialuna madruga a drenta informe di un accidente basta pisa cu hende herida na Savaneta, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un brommer, un auto y un truck. E motociclista como tambe esnan den e auto tabata herida, polis a nota cu e motociclista tabata seriamente herida y casi no tabata reacciona y a pidi pa ambulans bini cu mas urgencia. Na yegada di e ambulans ya no por a haci nada mas pasobra e motociclista lo a fayece instantaneamente cu e slanan ricibi. Polis a sera e area y inicia cu e investigacion. na un dado momento e auto a pega na candela y a pidi presencia di bomberonan na e sitio. Bomberonan a presenta y a paga e candela mientras e personal di ambulans a atende e hendenan den e vehiculo. Nos ta en espera di e relato policial di e accidente aki. Extra-oficialmente nos a bin compronde cu aki ta trata di e hoben di apenas 20 aña Maximilian Hernandez