Diaranson madruga a drenta informe di un accidente cu hende herida dilanti Ruiz Take Away na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur burachi bayendo nort a baha caminda na man drechi y a bay dal frontal riba un van. Den e van tabata tin un dama sinta sin faha di seguridad y door di e impacto ela bay dal su cabes y a haya un kap. Na yegada di e ambulans nan a atende y a transporte pa hospital. Polis a detene e chauffeur burachi.