![](https://www.awe24.com/wp-content/uploads/2024/03/IMG_0183-668x334.jpeg?v=1711905930)
Diasabra anochi a drenta informe di un accidente riba L.G. Smith Boulevard. Mesora a dirigi un patruya na e sitio. Na yegada di e patruya a bin compronde cu chauffeur di un auto shinishi lo no a regula velocidad ni mantene distancia y a dal tras di un auto blanco. Polis a nota cu e chauffeur di e auto shinishi lo tabata bao influencia y a hasi alco-test. Aki e chauffeur a pasa e limite, y polis a detene. Vehiculo di transporte a hiba e detenido pa Warda di polis. E patruya a tuma datos di e accidente aki.