Diadomingo mainta a drenta informe di cu na Sabana Liber 5 hoben a yega agredi un homber cu a caba di yega y nan a bay cu su celular, mesora a dirigi patruyanan na e sitio. Na yegada di e patruya a bin compronde cu un homber cu a caba di yega cas for di trabao a bin haya 5 hoben den un Kia Picanto cora a bin riba dje y a agredi’e. Ademas di esey a bay cu su celular. Debi cu por a track e celular varios polis di Noord y Oranjestad a dirigi nan mes na Madiki pa asina prepara un strategia pa atrapa e sospechosonan. Na dado momento a track e celular na e veld di Riverplate y a tuma nota di un sospechoso ta bay sali banda panort di e veld. Cu polisnan na tur angulo ubica a logra gara e sospechoso aki y a detene. Riba e video por mira tur e accion.